شەفەق نیوز/ سەرچەوەیگ لە وەڕیەوبەرایەتی پارێزگای سلێمانی، ئمڕوو پەنجشەممە، خەوەردا لە مردن دوو کەس و زەخمداری کەسیگتر وە رویداو هاتوچو لە ری زەرایەن-دەربەندیخان.
سەرچەوەگە وە ئاژانس شەفەق نیوز وت، رویداوەگە نیمەڕو ئمڕوو رویدایە لەری ناوبریاگ لە نزیک ئاوای " سەیارە".
سەرچەوەیگتر راگەیان، پەنج کەس لە یەک خێزان زەخمداربویە ک ژن و مناڵیش هاناویان وە رویداویگ هاتوچو لە ری بەعقوبە-بەغدا نزیک ناحیەی بەنی سەعەد لە پارێزگای دیالە.