شەفەق نیوز/ سەدان کەس لە پارێزگای زیقار باشوور عراق، ئمڕوو چوارشەممە، خوەینشان گەورەیگ لە مەیدان حەبوبی ناوڕاس شار ناسریە رێک خستن، لەبان گرانبۊن کاڵا و خوەراک.
پەیامنێر ئاژانس شەفەق نيوز وت: ناڕەزایلە ناو (شۆڕش ورسگەیل) بڕینە باڵای ئی خوەینشاندانە، لەناڕەزایی لەبان بەرزەوبۊن نرخ خوەراک و بەرزەوبۊن نرخ دۆلار، و داوا لە لایەنەیل پەیوەندیدار کردن تا زۊە بڕەسنە ئی کارە، وەرجەیەگ وەختەگە لەدەس بچوود.
عراق زیانیگ لە گرانی کاڵا و خوەراک وەخوەی دۊنێد، لەسای جەنگ رووسیا و ئۆکرانیا، و حکومەت مشتیگ بڕیار برد ئەرا نواگردن ئەو قەیرانە ک وڵاتەگە و گشت جەهان گرێدە وەر.
جی باسە ک نرخ گشت چشتەیلە لە بازاڕ عراق گرانی وەخوەی دی، وەگەرد ئەرزانکردن نرخ دینار، ک بۊە شەپۆلیگ لە ناڕەزایی لەناو جەماوەر.