شەفەق نیوز/ دەیان کەس لە میسان وبابل، ئمڕوو یەکشەممە، لەبان کەم ئاوی و فەوتان ئاژەڵەیل و دویاکەفتن کشتوکاڵی، وهەمیش لەبان بەشەونەکردن شایستەی خیزان شەهیدەیل ناڕەزایی کردن.
پەیامنێر ئاژانس شەفەق نيوز وت: دەیان لە خەڵک ناحیەی بەنی هاشم لە قەزای کەحلا خوەرهەڵات پارێزگای میسان، لەبان کەم ئاوی ناڕەزایی کردن ک هیشت هەورەیل هشکرو بوون.
ناڕەزایەیل دووپات کردن ک ئاژەڵەیلیان لەوەر هشکەوبوین هەورەیل مردرارەو بوین، ک ناچار خەڵکەگە وە کووچبردن کرد، وداوای پەیاکردن چارەیل زوییگ ئەرا ئەو گیچەڵە کردن.
پەیامنێرمان وتیش: خەڵکەگە پیەڵ موعیل وەرەو کۆمپانیای نەفتی چینی بڕین.
هەرلیوا، پەیامنێر ئاژانسمان لە بابل وت: کەسوکار شەهید و زەخمدارەیل ناوەند شار حلە وبینای دیوان پارێزگای بابل بەسان، لە ناڕەزاییان لەبان واژوونەکردن یادداشت بەشەوکردن پارچە زەویەیلیان، وداوای لاوردن پارێزگار نوو بابل کردن.