شەفەق نیوز/ لە پارێزگای زیقار، ئمڕوو شەممە، دەسکریا هەڵمەت نیشتمانی ئەرا رزگارکردن ئەهوار باشوور پارێزگاگە لە هشکەوبوین تەواوی.

پەیامنێر ئاژانس شەفەق نيوز وت: هەڵمەت نیشتمانی ئەرا رزگارکردن ئەهوار لە هشکەوبوین تەواوی وەگەرد وسیانیگ ناڕەزایی لەناوڕاس ناوچەگە  لە ئەهوار قەزای چبایش ک وە تەواوی هشکەو بویە دەسوەپی کرد.

دیاری کرد ک رێکخەرەیل وسیان ناڕەزاییەگە دروشمەیلیگ بەرزەو کردن، گرنگتریان: "وەردوامکردن ئەهوار ئامانجیگە رەوشتی و کەلتوری و شارستانی" و "ئەهوار دەروازەی ئەوزەڵکردن و رەنگینیە.. ژیانی قورتار بکەن" و "هشکەوکردن ئەهوار لە دەسەڵات دیکتاتۆریەتە و بەد وەڕیەوبردن لە بەدی کارەساتەیل سەردەمە".

پەیامنێر ئاژانسمان وتیش: ناڕەزاییەیل ئیجا چینە ناو کۆڕیگ گفتوگۆ لەناو یەکیگ لە دیوەخانەیل سۆمەری لە ئەهوار، و لەناوی داوای مقەیەتیکردن ئەهوار لە هشکەوبوین کردن، و ئەوانەگ لەناوی داکاسیانە خوەیان نەوەیل سۆمەریەیلن، و مقەیەتیکردنیان ئەرک حکومەت فیدراڵی و ناوخوەییە.