شەفەق نیوز/ سەدان کەس لە فەرمانەبەرەیل گریەبەسی لە وەزارت کەهرەبا، شەوەکی ئمڕوو سێشەممە، لەوەردەم بینای وەزارەت دارایی خۆپیشاندان کردن، و داوا لە فەرمانگەی ژمێریاری و بوودجە لە وەزارەتەگە وەخەرجکردن مووچەیلیان کردن، ک لە مانگ ئادار گوزەیشتە وەریان نەکردنە.
پەیامنێر ئاژانس شەفەق نیوز وت؛ خۆپیشاندەرەگان تابڵۆیل داواکردن لە موستەفا کازمی سەرۆک وەزیران هەڵگردن وە دەسوەردان و نووڕستن وەی چین گرنگە ک ژمارەیان رەسێدە ١٠٠ هەزار فەرمانبەر و لە چەن مانگیگە مووچە وەرنەگردنە.
خاوەن گریەبەسیەگان لە وەزارەت کەهرەبا لە چەن جاریگ بایکۆت و ناڕەزایی لە چەن پارێزگایگ لە ناوڕاس و باشوور بەغداد رێکخستن، لەوەر خەرج نەکردن مووچەیلیان ئەرا نزیکەی ٩ مانگ.