شەفەق نيوز/ وەڕیەوبەرایەتی وەرگری شارستانی، ئمڕوو چوارشەممە، راگەیان کپەوکردن ئاگریگ لەناو زانکۆی بەغداد لە ناوچەی جادریە.
وەڕیەوبەرایەتیەگە لە بەیاننامەیگ رەسیە ئاژانس شەفەق نیوز وت: شەش تیم رەسینە کپەوکردن رووداو ئاگریگ لەناو ئەمار چشتەیل وەکارهاوریاگ لەناوچەی جادریە، لە نزیک بەش ناوخوەیی سەروە زانکۆی بەغداد لەناوڕاس بەغداد پایتەخت، لە یەکەم ساعەتەیل شەفەق ئمڕوو.
بەیاننامەگە وتیش؛ تیمەیل وەرگری شارستانی تەقەلای گەورەیگ ئەرا کپەوکردن ئاگرەگە و دۊرەوخستنی لە بەشەیل ناوخۆیی لەنزیک شۊین رۊداوەگە، ووەبی توومارکردن زەخمداری وەگەرد کەمەوکردن زەرەدەیلە داراییەیلە کۆتایی وەپی هاوردن.