شەفەق نیوز/ خاوەن ئەو شعرەیلە ک لە ستەم دەسەڵاتدارەیل واینە، ئیجا دویاترین کووچی کرد، ک کاغەز و قەڵەم خوەی هیشتە جی، و لە وەردەم ئی جەماوەرە، ئەرا دویاترین جاری، چەوەیلی نۊقان. 

کامیرای ئاژانس شەفەق نیوز، توومار ماڵئاواییکردن بەغداد لە شاعر موزەفەر نواب کرد، و موستەفا کازمی هاتە پیشوازیکردن تەرمەگە، ک شەوەکی وە فڕۆکەیگ تایبەت لە ئیمارات ئەو تەرم شاعرە هاوردن، ئیجا لەوەر قسە وتویڕەیی مەردمەگە، کازمی ناچار بوی رسوومەیل ماڵئاواییکردن بیلێدەجی. 

تەرم موزەفەر نواب، رەسیە بارەگای یەکێتی ئەدیبەیل، تا لە بەغداد پیشوازی و ماڵئاوایی لەلی بکەریەێد، وئیجا لەبان تەمەی خوەی، لە شار نەجەف بنریەێدە خاک.