شەفەق نیوز/ تیمەیل وەرگری مەدەنی، شەوەکی ئمڕوو چوارشەممە، توێنست ئاگریگ لەناو بینای بارەگای فەوجەبل فریاکەفتن بەغداد لە ناوچەی ئەعزەمیەی کەسرە کپەو بکەن.
وەڕێۆبەرایەتی وەرگری مەدەنی لە بەیاننامەیگ رەسیە ئاژانس شەفەق نیوز وت: تیمەیل وەرگری مەدەنی توێنستن ئەو ئاگرە کپەو بکەن ک لەناو ژمارەیگ لە ڤاتەیل بینای خەفتن ئەندامەگان هەڵسیا، وەبی تۆمارکردن زەخمداربوین وەگەرد کەمەوکردن زەرەدە داراییەگان لەناو بارەگاکە.
بەیاننامەگە وتیش؛ لێکۆڵینەوەیگ لە ناوەند پۆلیس ئەو ناوچە کریاوە، لە پشت بەسانن وە راپۆرتەیل پسپۆڕەیل بەڵکە تاوانیەگان، ئەرا دیاریکردن هووکارەیل ئاگرەگە.