شەفەق نیوز/ ئمڕوو پەنجشەممە، ئاگریگ کەفتە ئەماریگ نەفت خام لە پاڵاو قەیارە لە باشوور شار مووسڵ لە پارێزگای نەینەوا.

سەرچەوەیگ ئەمنی خەوەردا ئاژانس شەفەق نیوز ک زوان ئاگرەگە لە ناو یەکیگ لە ئەمارەگان تەکان دا، دویای توزیگ لە دەنگ رممەی تەقین نادیاریگ، و تا ئیسە سروشت تەقینەوەگە نەزانریاگە.

لەلای خوەییش شانەی راگەیانن ئەمنی وت: تیمەیل وەرگری مەدەنی و لایەنە پاڵپشتیەگان کونتڕۆڵ دەرچگنیگ لەناو یەکیگ لە ئەمارەیل گاز لە پاڵاو قەیارە کەن لەوەر هەڵەیگ هونەری، وەبی تۆمارکردن زەخمداربوین.

لە خود باوەتەگە، موقەدەم سەعەد جبوری وەرپرس راگەیانن وەرگری مەدەنی لە نەینەوا ئەرا ئاژانس شەفەق نیوز وت: ئیسە تیمەیلمان هانە شوون ئاگرەگە، و لەلی نزیکەو بویمنە تا کۆنتڕۆڵی بکەیمن.

وتیش؛ تا ئیسە هایمنە رەوش خاسیگ و ری لە بڵاوبوین ئاگرەگە ورەسینی ئەرا ئەو ئەمارەگان گردیمنە.