شەفەق نیوز - بەغداد

دەسەی دەسپاكی فیدراڵی، ئمڕوو یەکشەممە، خەوەر دا لە جیوەجیکردن ئۆپەراسیۆن دەسگیرکردن دوو فەرمانبەر لە کۆمپانیای گشتی بازرگانی دانەوەیل لە پارێزگای میسان، لەبان گومبوین بڕیگ فرە لە بەرهەم چەڵتویک، و بۊنە  مدوو وەهەدەردان ماڵ گشتی و زەرەدڕەسانن وە بەرژەوەنییەیل ئەو لایەنە کە لە ناوی کار کەن.

دەسەگە لە بەیاننامەیگ  رەسیدە ئاژانس شەفەق نیوز دیاری کرد، تیم کار نویسینگەی لێکۆڵینەوەی میسان چگە ئەرا لق کۆمپانیای گشتی بازرگانی دانەوێڵە لە پارێزگاگە، و تۊنست، لە دویای ئەنجامداین لێکۆڵینەوە و هویردنوڕینی لەو زانیارییەیلە کە وە نویسینگەگە رەسۊن، دوو ئەمیندار ئەممار لە کۆمپانیاگە دەسگیر بکەێد، لە دویای ئەوەگ لێکۆڵینەوەیل گومبوین (485) تەن لە بەرهەم چەڵتویک لەو ئەممارەیلە ئاشکرا کردن ک لە ژیر دەسیان بۊن.

ئاشکراکرد،  تیمەگە دەس گردنە بان کاغەزەیل لێکۆڵینەوەی رێکخریاگ وەرانوەر توومەتبارەیل، و ئەو سزایەیلە کە لەبانیان چەسپیاس، بیجگە کاغەز قەرەبووکردن دارایی کە بڕەگەی (126,000,000) سەد و بیس و شەش ملیۆن دینار عراقییە و کەفتیەسە ملیان، و دیاریکرد،  بڕیار دادوەر دادگای لێکۆڵینەوەی میسان تایبەتمەن وە نووڕسن لە دۆسیەیل دەسپاكی وە بەندکردن توومەتبارەیل وەپای سزایەیل ماددەی (316) لە یاسای سزادانە.