وتیش؛ دادگای نەهیشتن تاوانەیل کەربەلا نووڕیە باوەت تاوان کوشتن باوگیگ وەدەس کوڕەگەی وە تفەنگ راو، و دیاری کرد کە کوڕەگە ناشرینترین تاوان جیوەجی کردیە، کە نشان داوەزیان ئەرزەشەیل رەوشت و رویتی لە شیوەیل ئادەمی و هەس مرۆیی و بنکایەیل غیرەتی و شەرەف وە کوشتن باوگ خوەی.

 وتیش؛ هویردەکاریەیل ئی تاوانە کە وە قسەیل توومەتبارەگە، لە کوشتن باوگی وە گولەی تفەنگ راو دەسوەپی کەێد لە ئەنجام دەمەقاڵیگ ناوبەینیان وەرجە مانگیگ لە رویداوەگە، و باوگی داوا لەلی کردیە لە ماڵەگە دەرچوود، باوجی کوڕەگە لەماڵ مەنیە تا وەرجە سێ رووژ ئەو کوڕە وە ناکاوەو لە  ساعەت چوار یا پەنج شەفەق باوگ خوەی کوشتیە.

 دیاری کرد کە دویای دەسگیرکردن تاوانبارەگە لە قسەیلی ئاشکرای تاوان خوەی کرد کە باوگەگە پەڵپ کارکردن لە کوڕەگە گردیە، و یەیش کار نەکردیە، تا بویەسە دەمەقاڵ، و وەرجە رویداوەگە وە رووژیگ تفەنگ راو ئامادە کردیە و وەختیگ داڵگی لەماڵ مەنیە باوگ خوەی کوشتیە، ئیجا تفەنگەگە لەناو چاڵیگ شاردیەسەو.

وتیش؛ لەبان ئەو  بەڵگەیلە تاوانەگە لەبانی چەسپیا.