شەفەق نیوز/ دوو سەرچەوەی ئەمنی لە دیالە و سەلاحەدین، ئمڕوو یەکشەممە، خەوەردا لە مردن مناڵیگ و مەدەنیگ وە دوو رویداو جیاواز.
سەرچەوەیگ ئەمنی لە دیالە وە ئاژانس شەفەق نیوز خەوەردا؛ مناڵیگ 3 ساڵان وە رویداو تلیان نائەنقەست وەلایەن گوولفروشیگ گیان لەدەسدا لەئاوای (جیزانی چۆل) لە دەوروگەرد قەزای خاڵس باکوور خوەرهەڵات بەعقوبە.
وتیش تەرم مناڵەگە ئەرا پزیشک دادوەری کلکریاس و دەزگایەیل ئەمنی رێکارەیل ئەمنی پێویست ئەنجامدان.
لە سەڵاحەدین، مەدەنییگ وە رویداویگ هاتوچو گیان لەدەسدا لەناوەین تکریت و کەرکوک وەپای سەرچەوەیل ئەمنی.
دیاریکرد تەرم قوربانیەگە ئەرا پزیشک دادوەری کلکریاس رێکارەیل هاتوچو پێویست گیریاسەوەر.