شەفەق نيوز– وەشوینکەفتن 

شار بەسرە لە عراق، ئمڕوو جمعە، کەفتە بان لەناو لیست گەرمترین شارەیل جیهان، لە ماوەی 24 ساعەت گوزەشتە.

وەگورەی داتایەیل وێستگەیل کەشناسی ناودەوڵەتی، ویستگەی فرۆکەخانەی ناودەوڵەتی بەسرە بەرزترین پلەی گەرمی لەبان زەوی توومار کرد کە رەسیە 50.5 پلەی سەدی، کە لە شارەیل خەلیجی و ئیرانی و عەرەبی بەرزتر بوی.

شار حەمیدیە لە ئیران له پلەی دویەم بوی وە 50.3 پلەی سەدی، ئیجا فڕوکەخانەی کوێت وە گەرمی 50 پلەی سەدی.

لیست گەرمترین ناوچەیل جیهان ئمڕوو 7 ناوچەی عراق لەناوی بویر لەلییان: بەسرەتولحوسەین، فاو، عمارە بەدرە، عەلی غەربی، و پلەی گەرمی ناوەین 49.5 و48.1 پلەی سەدی.

ئی بەرزەوبوین تیژە لە پلەی گەرمی لە شەپوول سویریگ تیەێد کە دەێد لە ناوچەیل فراوانیگ لە خوەرھەڵات ناوڕاس، وەگەرد هوشداریکردن لە کاریگەرییەیلی لەبان تەندروسی گشتی و کارەبا و ئاو، وەتایبەت لە شارەیل باشوور عراق، کە ساڵانە لە وەرز تاوسان لە گشتی گەرمترن.