شەفەق نیوز/ سەنەر ئاسایش ئەلکترۆنی لە وەزارەت ناوخوەی عراق، چەودێری لینکیگ ئەلکترۆنی کرد لەبان تووڕ کۆمەڵایەتی "فەیسبوک"، کە ئەرا ئەو هاوڵاتیەیلە کلکرێد خوازن خزمەتگوزاری ئەلکترۆنیەیل بانکەیل عراقی چاک بکەن لە بان پلاتفۆرم  "واتسئاپ"ئەرا گفتوگوکردن وەرد خزمەتگوزاری بسینەیل.

سەنتەرەگە، وەپای بەیاننامەیگ، ئمڕوو دووشەممە، دەرچگە و رەسیەس وە ئاژانس شەفەق نیوز  دووپاتکرد، لینکیگ دروکانی گشت زانیاریەیل هاوڵاتیەیل گرێدە ئامانج وە شیوەی نایاسایی، وەی مدوو تەمێ دەێد خاسترە وریابوید و هاوکاری وەردی نەکەێد.

لە هویردەکاری هوشداریەگە هاتیە، ناو پەڕەگە "خزمەتگوزاریەگە ناوی  CBI"، پێویستە دویرەوبکەفن لە وازکردن لینکەیل نەناسریاگ  یا  گومان لێکریاگ، لێکۆڵینەوە لە دوسی لینکەیل بکرێد لەری وەکار هاوردن بەرنامەیل جویر  VirusTotal وەرجە ئەوەک کلیک وەبانیان بکرێد، دووپاتکرد، پێویستە زانیاری تایوەتەیل یا بانکیەیل لە ری  ئەنتەرنیت وەرد هویچ لایەنیگ نەناسریاگ هاوبەش نەکرێد.