شەفەق نیوز/ وەزارەت نەفت، ئمڕوو یەکشەممە، دووپاتکرد کۆنترۆل ئەو ئاگرە کردنە کە یە یەکیگ لە یەکەیل لاوەکی پاڵاوگەی "سمود" لە قەزای بێجی هیزگردیە.

وەزارەتەگە لە بەیاننامەیگ راگەیان، رویداوەگە کاریگەری لەبان پرۆسەی وەرهەمهاوردن لە پاڵاوگەگەنەداشتیە، هویچ زەخمداریگ نییە لەو  میلاکەیلە لە پاڵاوگەگە کارکەن.

سەرچەوەیگ لە وەرگری شارستانی پارێزگای سەڵاحەدین، ئمڕوو یەکشەممە، خەوەردا لە هیزگردن ئاگر لەناو یەکەیگ لە پاڵاوگەی بێجی، کە وە پاڵاوگەی روین ناسیاس.

سەرچەوەگە ئەرا ئاژانس شەفەق نیوز وت: تیمەیل وەرگری شارستانی رەسینە شوین ئاگرەگە ئەرا کپەوکردنی، و نواگیریکردن لە رسینی وەرەو یەکەیلیگ بەرهەمکاری ترەک لەناو ئەو پاڵاوگە.

 دیاری کرد کە ئاگرەگە وە مدوو تەقیانیگ لەناو فرن شمارە 100 لە پاڵاوگەی روین لا کۆمپانیای پاڵاوگەیل باکوور هیزگرد، وتیش؛ دوو کراکار زەخمداری سووکیگ بوینە، و تیمەیل وەرگری شارستانی توەنستن ئاگرەگە کپەو بکەن.

 پاڵاوگەی لێکس گەورەتریتە لە عراق، کە وزەی بەرهەمی وە چارەکردن نزیکەی 310.000 بەرميل لە رووژیگ مەزەنە کریا، و لە مانگ ئایار ساڵ 2014 داعش داگیری کرد، دویای رەسینی ئەرا قەزای بێجی.