وەزارەتەگە لە بەیاننامەیگ رەسیە ئاژانس شەفەق نیوز وت "وە پشت بەسین وە مادەی 96 لەیاسای تەندروسی گشتی شمارە 89 ساڵ 1981 سیستەم خوەراکی شمارە 29 ساڵ 1982 و خاسەوکردن شمارە 4 لە ساڵ 2011، خاوەن دووکانەیل فروشتن مادەیل خوەراکی و ئاو نوشین و شەربەتەیلە کە ئەو مادەیلە وەبان کنار جادەیل و  ژیر تیشک خوەر و وە شیوەی ناتەندروس دانەنێ ئاگاداریان کەیمن ".

وتیش، " وەی شیوە دانانیان مەترسی وەبان تەندروسی هاوڵاتیەیل دروس کەێد، و هەوەجە کەێد ئەممڵرکردن و نمایشکردنیان لە شوینەیلیگ هاوشیوەی رینمایەیل تەندروسی بوود و وە یەش وەردەوامیگ گونجیاگ لە بڕواڕ وەسەرچگنی لە وەکارهاوردن مرویی دروسکەێد".

دووپاتکرد "تیمیگ چاودێری تەندروسی وە هەماهەنگی وەرد دەزگای ئەمنی  لە دویای دوو هەفتە لە بڕوار ئاگادارکردنەوە دەسکەنە هەڵمەتەیل چەودێری تەندروسی خەسیگ و رێکار یاسایی وەرگرن و سزای سەرپیچیکەرەیل ئەو خاوەن دووکانەیلە دەێد وەپای یاسای تەندروسی گشتی".