شەفەق نیوز ـ بەغداد

فەرمانگەی پزیشک دادوەری لە وەزارەت تەندروسی عراق، ئمڕوو شەممە، راگەیان روفات 20 قوربایەیل کومەڵکوشی زیندان بادوش رادەس کەسوکاریان کریانە، لەدویای تەواوکردن رێکارەیل وشکنین و لەیەکچگن بۆماوەیی.

وەزارەتەگە لە بەیاننامەیگ رەسیە ئاژانس شەفەق نیوز راگەین، ئێ بەشە وە چوارەم جویر دانرێد لە زنجیرە ئۆپراسیۆنەیل وەشیوەی فەرمی گلەودریانە، وەی مدوو کوو گشتی کوشیاگەیل هاوتای روفاتیان کریاس و رادەس کریانە رەسیە 171کەس.

وەزارەت تەندروسی دووپاتکرد، کارەیل تەکنیکی و مرۆیی لەی دۆسیە وەردەوامە، وەرد ئامادەکاری ئەرا راگەیانن بڕیگ نوو لە ماوەی ئایندە، لە چوارچمگ پلانەیل تەواوکەر کە ئامانجی بەسانن دۆسەی کۆمەڵکوشی زیندان بادوشە وە تەواوی، مسۆگەرکردن ماف کەسوکار قوربانیەیل.

رادەسکردن روفاتەیل وەپای وەزارەتەگە، وە ئاسانکارەیل تایوەت وەریوەچی، کە لەلی رەسانن تەرمەیل ئەرا پارێزگایەیل کەسوکاریانە جویر :بەغدا، نەجەف، بابل، کەربەلا، زیقار، سەڵاحەدین، بەسرە.

دیاریکرد کۆمەڵکوشیەگە لە مانگ حوزەیران ساڵ 2014 رویدا هنای رێکحریاگ داعش دسگرد وەبان شار موسڵ و زیندان بادوش لە ناحیەی بادوش باکوور شارەگە، کە زیاتر لە 670 کەس وە مدوو تائفی کوشیان.