شەفەق نیوز ـ بەغدا

وەزیر کشاوەرزی فیدڕاڵی عابدولرەحیم جاسم شمێری لەوەخت پیشوازیکردنی لە وەزیر کشاوەرزی و سامان ئاو لە هەرێم کوردستان بێگەرد تالەبانی، ئمڕوو یەکشەممە لەبەغدا، رێکەفت لەبان یەکەوخسن تەقەلا ئەرا پیشخسن کەرت کشاوەرزی و پاراستن بەرهەم نیشتیمانی و بەهێزکردن ئەمن خوەراک رێککەفتن.

وەپای بەیاننامەی وەزارەت کشاوەرزی عراق رەسیە شەفەق نیوز، هەردووگ لا لە کۆبوونەوەگە شمارەیگ لە باوەت و ئاڵنکاریەیل نوای چالاکی کشاوەرزی تاوتوێکردن وە جویریگ دەسمیەتیدەر بوود ئەرا رێکخسن سامان رووەکی و ئاژەڵی و دابینکردن وەلیفەت ئەرا کشاوەرزەیل و بەرهەمهاوەرەیل لە سەرانسەر وڵات.

شمێری دووپاتکرد لەبان گرنگی دەسمیەتی ناوەین حکومەت فیدڕاڵی و حکومەت هەرێم و یەکانەوکردن تەقەلا ئەرا ئەوزەڵداین کەرت کشاوەرزی و پاراستن بەرهەمهاوردن نیشتیمانی، دووپاتکرد لەبان گرنگی متمانە داشتن وە میکانیزم سەرکەفتیگ لە چارەسەرکردن دۆسیە هاوبەشەیل. 

شمێری داواکرد دۆسیەیل هەڵواسیاگ ڵەر دروسکردن لیژنەی هاوبەش تایوەت چارەسەربکرێد کە چەودێری گیچەڵ و بەربەستەیل  و دانان چارەسەر پورڕیایگ ئەراین بکەێد، کۆبونەوەیلیان وە شیوەی وەردەوام ئەنجام بدەن.

لە کۆبوونەوەگە بریکار وەزیرەیل و شمارەیگ وەڕێوەبەر گشتی و وەرپرسەیل ئامادەبوین.