شەفەق نیوز/ وەزیر کشاوەرزی عەباس جەبر ئەلمالکی پەیام دڵنیایی دا وە هاوڵاتیەیل عراقی لەباوەت کەشتیە کوەیتیەگە کە 19 هەزار سەر ئاژەڵ هەڵگردوی و لە بەرازیلەو وەرەو عراق هاتیە.
وەزیر لە پەیامیگ وت؛ " کارمەنەیل پزیشکیمان گشت رێکارەیل وشکین پزشکی تەواوکردنە ، چەسپیایە گشت ئاژەیلەیلە هویچ بیماری و پەتایگ نەیرن گشت رێکارەیل داوەزاننیان لەعراق تەواوکردنە دویای لەناو خاک عراق داوەزیانە".
دووپاتکرد "گشت رێکاریگ کردنە ئەرا پاراستن ئەمنی و سەلامەتی و دابینکردن گشت وەرهەمەیل گیایی و ئاژەڵی لەناو بازاڕەیل عراق وەشیوەی گونجیایگ، نواگیری کەن لە هەر حالەتیگ کەمی لەهەر کەلوپەل و خوەراکیگ و کشاوەرزیگ وەگەرد پاراستن لە بەرژەوەنی ناوخوەیەگان".