شەفەق نیوز/ محمود عەلەوی وەزیر ئەمن ئیرانی، ئمڕوو سێشەممە، راگەیان وڵاتەگەی بەڵگەیلیگ یاسایی وە سەدان لاپەڕە دیرێد، تیرۆرکاری و پێشێلکردن سەروەری عراق لەلایەن ئەمریکا چەسپنێد، و نیاز دیرێد بخەێدەی وەردەس دەزگا ناودەوڵەتیەگان.

عەلەوی لە وتاریگ ئەرا رووژنامەنووسەیل ئمڕوو لە وەخت سەردان قەور جەنیڕاڵ قاسم سولەیمانی وت: گشت بەڵگەیل تیرۆری دەوڵەت و پێشیلکاری سەروەری نیشتمانی ئەرا دەوڵەتیگ تر (عراق) هانە ژیر دەس، و زیاتر لە ١٠٠٠ لاپەڕە لە کار یاسایی لەی چینە کردەو کریاگە.

وتیش؛ وەزارت ئەمن وە دەسمیەتی کشت دەزگاگان باوەتیگ رێخسکتن و ئامادە کردن وە ئومید رەسانن دەنگ ستەمدیدەیی قاسم سولەیمانی ئەرا گووش جهان.

عەلەوی وتیش؛ بیجگە لایەنە یاساییەگان، وەوجوورەگ سەرکردەی شۆڕش ئیسلامی وت؛ کۆمار ئیسلامی ئیران واز لە خوین حاجی قاسم نیارێد، وەتایبەت ک دوژمنەگە وەرپرسایەتی خوەی وەگشت روی سەختییگ لەی کار تیرۆریە راگەیان.

وەزیرەگە هەمیش وت؛ دیارە ک ئەوان تاوان تیرۆرییان جیوەجی کەن و سەروەری دەوڵەتیگ پێشیل کەن، و ئەو ماف مرۆڤەیل ک خوەیان وەپی گەزاف دەن تلنن، ئیجا شانازی وەوە کەن.