شەفەق نیوز - بەغداد

قەرز گشتی ناوخۆیی عراق بەرزەو بۊ ئەرا 113.485 ترلیۆن دینار لە کۆتایی مانگ ئاب/ئۆگۆستۆس 2026، لە وەراورد وە 109.516 ترلیۆن دینار لە کۆتایی تەموز/یۆلیۆی گوزەشتە، وە توومارکردن زیایبۊنیگ مانگانە کە رەسیە 3.969 ترلیۆن دینار، وەپەی داتایەیل نیشاندەرە ئابوورییەیل دەرچگ لە بانک ناوەندی عراقی.

 داتایەیل بانکەگە، کە ئاژانس شەفەق نیوز ئاگادار بۊ لەلیان، نیشان دەن کە قەرز ناوخۆیی وە بڕ نزیکەی 22.97 ترلیۆن دینار بەرزەو بۊە لە وەراورد وە کۆتایی ساڵ 2025، وەختیگ رەسیە 90.515 ترلیۆن دینار، وە رێژەی گەشەسەنیگ کە رەسیە نزیکەی 25.4% لە ماوەی هەشت مانگ یەکەم لە ساڵ ئیسە.

 پێکهاتەیل قەرز ناوخۆیی لە کۆتایی ئاب گوزەشتە بەشەو بۊن لەبان داواکارییەیل وەزارەت دارایی ئەرا بەرژەوەندی بانک ناوەندی، کە رەسیە 76.499 ترلیۆن دینار، لە وەرانوەر 72.499 ترلیۆن دینار لە کۆتایی تەموز.

 لە وەرانوەر یەیش، بڕ هەواڵەیل خەزینە رەسیە 8.711 ترلیۆن دینار، لە وەختیگ قەرزەیل 18.945 ترلیۆن دینار توومار کردن، و قەواڵەیل 9.330 ترلیۆن دینار.