شەفەق نیوز/ سەرچەوەیگ ئەمنی لە دیالە، ئمڕوو سێشەممە، خەوەردا لە پویچەڵکردن دزەکردن داعش لە دەورگرد ناحیەی قەرەتەپە.
سەرچەوەگە ئەرا ئاژانس شەفەق نیوز وت: سریەی سێیەم لە لیوای ٢٦ حەشد شەعبی، دویەشەو تەقەلای دزەکردن بڕیگ لە ئەندامەیل داعش لە دەورگرد خوەرهەڵات ناحیەی قەرەتەپە پویچەڵ کرد.
سەرچەوەگە وتیش: هیزەیل حەشد شەعبی رەوانگەی جویلەی بڕیگ لە ئەندامەیل داعش کردن، و تەقە لەلیان کردن و نەیشتن نزیک لە خاڵەیل دەورگرد قەرەتەپە نزیکەو بوون، و دووپات کرد ک ئەندامەیل داعش وەرەو شوینەیل دویریگ واین.