شەفەق نیوز/ سەرچەوەیگ لە پولیس عراق، ئمڕوو جمعە، خەوەردا لە پویچەڵکردن تەقەلای کوشتن موختار یەکیگ لە ناوچەیل باکوور بەغدای پایتەخت.
سەرچەوەگە ئەرا ئاژانس شەفەق نیوز وت: هیزەیل ئەمنی توەنستن بومبیگ دروسکریای بچەکنن، کە لە ژیر ماشنی یەکیگ لە موختارەیل ناوچەی شێخ ئەحمەد لە قەزای تارمیە نریاس، وەبی توومارکردن زەخمداری کەسیگ، و باس وازکردن لێکۆڵینەوە کرد ئەرا رەسین وە خاوەن ئی کردەوە.
شانەیل سەروە ریخریاگ داعش لە ناوچەیلیگ لە قەزای تارمیە باکوور بەغداد گورجە، و قەزاگە پەلامارەیل چەکدار وەبان مەدەنیەیل و هیزەیل ئەمنی وە درویژایی ساڵەیل گوزەشتە وەخوەی دی، تەنانەت دویای شکست داعش لە ساڵ ٢٠١٧ لە عراق.