شەفەق نیوز ـ بەغدا
وەڕێوەبەرایەتی وەرگری شارستانی، ئمڕوو سێشەممە، راگەیان کە وە تەواوی ئاگر گەپیگ کە لەناو تانکەرەیل نەفت سیا هیزگردبوی کپەوکریا کە ئەرا کارگەیل خشت لە ناوچەی نەهرەوان لە باشووری خوەرئاوای پایتەخت تێدەوەکارهاوردن، وەگەرد بەشداری 14 تیم تایوەت ئاگرکپەوکردن و تیمە دەسمیەتیدەرەیل، بی توومارکردن هویچ زەرەدیگ مرۆیی.
وەڕێوەبەرایەتیەگە لە بەیاننامەیگ، رەسیە ئاژانس شەفەق نیوز، وت: تیمە تایوەتیەیل ئاگرکپەوکردن پەلامار راستەوخوەی ئەنجام دا و بە هویردی چگنەس ناو رویوەرویبوین ئەمارەیل زەرەددی ئەرا مامەلەکردن وەگەرد سەرچەوەی ئاگر لە شوینەگە، و ئێ پلانە تاکتیکیەیلە بوینە مدوو دەورەدان و کپەوکردن گشت ئاگرەگە لە کەمترین وەخت و وە کاریگ بەرز، وە یەیش نواگیری لە رەسین ئاگرەگە وە تانکەرەیل دەوروگەرد کرد و رخداری گەپیتر بوین رویداوەگە لاورد.
لە هەمان چوارچمگ، پسپۆڕیگ بەڵگە تاوانەیل بانگ کریا ئەرا شوین رویداوەگە تا پشکنینی تەکنیکی هەوەەکریاگ ئەنجام بدەێد و هەڵگردن نموونەیل، وەمەبەست زانینی مدوو راستەقینەیل هیزگردن ئاگرەگە و تەواوکردن رێکارە یاساییەیل پەیڕەوکریاگ.