شەفەق نیوز - سەڵاحەدین
وەڕیەوبەرایەتی وەرگری مەدەنی، ئمڕوو چوارشەممە، راگەیان کە تیمەیلی لە پارێزگای سەڵاحەدین، وە پاڵپشتی تیمەیل ئاگر کپەوکردن پاڵاوگەی بێجی، تۊنستن وە تەواوی کۆنترۆڵ ئاگریگ بکەن کە لە بەشەیلیگ لە یەکەی پاڵاوتن و وەکارخستن لەناو پاڵاوگەگە هیز گرد.
وەڕیەوبەرایەتییەگە لە بەیاننامەیگ کە رەسیە ئاژانس شەفەق نیوز باس لەوە کرد، کە تیمەیل ئاگرکپەوکردن ئاگرەگە وە سەرکەفتگیی کپەو کردن دۊای ئەنجامداین پرۆسەیل رویوەڕویبۊن و سەردەوکردن شوینی وەبی وردەکارییەیل فرەتر.
پاڵاوگەی بێجی وە گەپترین لە عراق دانریەێد، کە تۊانای بەرهەمهاوردن وە چارەسەرکردن 310.000 بەرمیل لە رووژیگ مەزەنە کریا، و ریخریاگ داعش لە مانگ ئایار ساڵ 2014 دۊای کۆنترۆڵکردن قەزای بێجی پاڵاوگەگە داگیر کرد.
پاڵاوگەگە دۊای ئازادکردن قەزای بێجی لە دەس رێکخستنە تونڕەوەگە لە ساڵ 2015 تویش لەدەسداین کەلوپەل و ئامێرەیل هات، وەجۊریگ کە توومەت وە گرووپەیل چەکدار کریا کە بەشداری لە پرۆسە سەربازییەیل دژ وە ریخریایەگە کردن کە ئەرا نزیکەی ساڵیگ تەواو وەردەوام بۊ وە دزینیان و فرووشتنیان دۊاتر.
محمد شیاع سوودانی سەرۆک ئەنجوومەن وەزیرەیل وەرین راگەیان لە گلەوهاوردن کەلوپەل و ئامێرەیل دزریاگ لە پاڵاوگەی بێجی.
سوودانی لە مانگ شوبات ساڵ 2024، پاڵاوگەی شیمال لە بێجی دۊای خاسەوکردن و وسانیگ کە فرەتر لە 10 ساڵ وەردەوام بۊ کردەو.