شەفەق نیوز/ تیمەیل وەرگیری شارستانی ئمڕوو پەنجشەممە کۆنترۆل رۊداو ئاگر کەفتنیگ کردن لە ناو ژوور سیستەم کارەبای سەرەکی لە خەسخانەی مناڵ و مناڵبۊن لە ناوەن پارێزگای بابل.
وەڕێەوبەرایەتی وەرگیری شارستانی لە بەیاننامیگ ئمڕوو وت، تیمەگە ئاخڵەی شۊنەگە دانە ئاگرەگە جیاوە کردنە کڕەیل کارەبا بڕینە و ئاگرەگە کوشاننە وەبی ئەوەی تۊشهاتن مرویی توومار بکریەێد.
دیاریکرد، کارەبا نیەڕەسێدە سیستەم کارەبایی تا کارەیل خاسەوکردن تەواو بوود وەلایەن کەسەیل پسپۆر.