شەفەق نیوز، داوەزین نرخ دۆلار ئەمریکی وەرانەوەر دینار عراقی، ئمڕوو چوارشەممە، لە بۆرسەی سەرەکی بەغداد پایتەخت وەردەوام بوی، تا نرخ ١٠٠ دۆلار ئەمریکی بڕەسێدە ١٤٤٠٠٠ دینار عراقی.
پەیامنێر ئاژانس شەفەق نیوز وت: نرخ ١٠٠ دۆلار ئەمریکی لە بۆرسەی سەرەکی کیفاح و حارسیە لە بەغداد پایتەخت، لە ساعەت یەک نیمەڕو رەسیە ١٤٣٩٥٠ دینار عراقی.
شەوەکی ئمڕوو، نرخ ١٠٠ دۆلار ئەمریکی رەسیە ١٤٤٦٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد داوەزیا، ک نرخ فرووشتن ١٠٠ دۆلار ئەمریکی رەسیە ١٤٥٠٠٠ دینار عراقی، و نرخ سەنینی رەسیە ١٤٣٠٠٠ دینار عراقی.