شەفەق نیوز/ سەرچەوەیگ ئەمنی لە نەجەف، ئمڕوو دووشەممە، خەوەردا لە قومیان مرافە و دەسوەشانن سەختیگ لەناو فڕۆکەخانەی ناودەوڵەتی نەجەف، لەناوبەین وەرپرسەیل بەشەیل.
سەرچەوەگە ئەرا ئاژانس شەفەق نیوز وت: مرفەیگ وە دەس کەفتە ناوبەین وەرپرسەیل بەش گریەبەسی و کوالیتی لەناو فڕۆکەخانەی ناودەوڵەتی نەجەف، لەبان ناکۆکی لە باوەتەیل گەندەڵی ناو فڕۆکەخانەگە.
سەرچەوەگە دیاری کرد بەشیگ لە کریکارەیل ناو فڕۆکەخانەگە دەسدانە وەر تا مرافەگە کپەو بکەن.
جی باسە ک فەرمانگەی لێکۆڵینەوە لە دەزگای دەسپاکی، لەناوڕاس مانگ کانوون دویەم گوزەشتە، لە بەیاننامەیگ وت: تیم کار نویسینگەی لێکۆڵینەوەی نەجەف، توەنست کارەیل سەنین درووکانی لەناو فڕۆکەخانەی نەجەف ئاشکرا بکەێد، و وت؛ دەسەی چشت سەنین لە فڕۆکەخانەگە، بایی (504,976) دۆلار ئەمریکی وە پیچەوانەی یاسا خەرج کردیە.