شەفەق نیوز - زیقار
سەرچەوەیگ ئەمنی، رووژ سێشەممە، خەوەر دا لە قومیان جەنگیگ لە ناوەین دوو مەس کە هیشت یەکیگیان بکوشیەێد لە خوەرئاوای شار ناسریە ناوەن پارێزگای زیقار.
سەرچەوەگە ئەرا ئاژانس شەفەق نیوز خەوەر دا، کە "وەردەوەردەیگ لە ناوەین دوو سەرخوەش لەناو ماشینیگ ساڵۆن لە ناوچەی ئال جوغان لە قەزای بەتحا خوەرئاوای شار ناسریە، بویە مدوو کوشیان یەکیگیان و زەخمداری ئەوەکەی ترەک".
وەپەی سەرچەوەگە، هیزەیل ئەمنی رەسینە شوین رویداوەگە دۊای وەرگردن ئاگادارکردنیگ ئەمنی لەڕی وێستگەی وەڵامداین، و تەرمەگە بریا ئەرا پزیشک دادوەری، لە وەختیگ زەخمدارەگە بریا ئەرا خەسەخانە ئەرا وەرگردن چارەسەر هەوەجەدار.