ساڵح لە بەیاننامەیەگ ئەرا ئاژانس شەفەق نیوز وت: “پیەڵیک بانئاوی کە ناحیەی وانه (باکوور موسڵ) وە ناحیەی زوممارەو بەسێدەو، دویای ئەوە لە یەک لای ئاو وەپی رەسیە، وەشیوەیگ وەختانە لە کار دەرچگە”، وتیش:  “پیەڵەگە وەشیوەیگ وەختانە لە کار دەرچگە”. لەوەر بەرزەوبوین ئاست چەم دیجلە و زیایبوین مەرەقەز ئاو لە بەنداو موسڵەو ".

 ساڵح باس لەوەیشکرد، کە پیەڵەگە “وە درویژیی ١٥٠ مەتر، لە ئەندازیاریی سوپا ئەرا بەسیان وانه وە زومارەو دروس کریاس، ئیمەیش ناچار بویمن وەخاتر بیوەیی گیان هاووڵاتییل بوسنیمنەی، تا ئاست چەمەگە کەم کەێد، ئیجا گلەو خوەێد”.

 ناحیەی وانە، لە باکوور موسڵ، یەکەم ناوچەس کە لە تەکان ئاو بەنداو موسڵەو وەپی رەسێد، کە 12  وەبان چەم دیجلەو دویرە.

 دویەکە جمعە، ئیدارەی بەنداو موسڵ ریژەی ئاوی لە هەزار مەتر سێجا تا هەزار و 200 مەتر سێجا لە چرکەیگ بەرزەو کرد.

 سەرچەوەیگ لە ئیدارەی بەنداوەگە ئەرا ئاژانسی شەفەق نیوز وت: "تا ساعەت 2:30 نیمەڕو دویەکە، ئاو رەهای بەنداو موسڵ ئەرا هەزار و 200 مەتر سێجا لە چرکەیگ بەرزەو کرد".

 پارێزگاری نەینەوا لە رووژ پەنجشەممە، هۆشدارییگ دادە هاوڵاتیەیل و چالاکییەیل نیشتەجیبوین و گەشتیاری و  کە کەفنە ناو گوڵەم چەم دیجلە، کە ئاو بەنداو موسڵ زیای کەێد.