شەفەق نیوز- تاران/ بەغداد

ئەمیندار گشتی ژوور بازرگانی ئیرانی عراقی جەهانبەخش سنجابی شیرازی، ئمڕوو چوارشەممە، دووپات کرد کە فرەی دەروازە بازرگانییەیل ناوەین ئیران و عراق کار کەن، هەرچەن بڕیگ لە شیویان و 

 چەوەڕیکردن بارهەڵگرەیل هەس.

سنجابی شیرازی ئەرا ئاژانس "ئیلنا"ی ئیرانی وت، کە دەروازەی شەلەمچە دەس کردەسەو وە جۊلەی بارهەڵگرە بازرگانییەیل، لە وەختیگ دەروازەی چەزابە (شیب) هیمان بەسیاس لە وەرانوەر چگنەناو کاڵایەیل لە لایەن عراقییەو.

 هەمیش وت کە دەروازەی سوومار دووارە واز کریاس لە وەرانوەر جۊلەی بازرگانی، دۊکە سێشەممە، و رووژانە نزیکەی 300 بارهەڵگر لەلی رەد بوون، لە وەختیگ دەروازەیل مهران و باشماخ و خەسرەوی لە کارەیلیان وەردەوامن، وەگەرد تومارکردن چەوەڕیکردن و وسانن بارهەڵگرەیل لە بڕیگ لە خاڵەیل.

دیاری کردنی کە دەروازەی مهران، لە سەرەتای ساڵەگەو تا 12ی ئەیلول/ سێپتەمبەر، پسشوازی لە فرەتر لە 40 هەزار بارهەڵگر هەناردەکردن کردیە، ئەوەگ کەێدەی وە یەکیگ لە رێڕەوە سەرەکییەیل ئەرا بازرگانی هشکانی ناوەین هەردگ وڵاتەگە.

وتیش کە دەروازەی شیب لەی وەختە وە تەنیا دەروازەی بەسیای هەژمار کریەێد لە وەرانوەر بازرگانی هشکانی ناوەین ئیران و عراق، و داوا لە بازرگانەیل کرد رێڕەوەیل جیگر بگرنە وەر و بار نوویگ بار نەکەن کە تەنیا پشت وەو دەروازە بوەسێد، تا وەختیگ وە فەرمی خەوەر دەریەێد لە وازکردنی.

 دەروازەی شیب سنووری، کە کەفێدە پارێزگای میسان لە باشوور خوەرهەڵات عراق، وە یەکیگ لە دیارترین دەروازە هشکانییە ستراتیژییەیل هەژمار کریەێد، و گرنگییگ تایبەت دیرێد چۊنکە شوینیگ سەرەکییە ئەرا جۊلەی بازرگانی و گەشتیارەیل ناوەین عراق و کۆمار ئیسلامی ئیرانی.

لایەنە ئەمنییە عراقییەیل لە دەی ئەیلول ئیسە، دەس کردنە وە ئۆپەراسیۆنەیل رێکخستن کارگێڕی و ئەمنی لە شمارەیگ لە دەروازە سنوورییەیل، ئەوەیش دۊای پەلاماریگ کە سعودیە کردە ئامانج و لە خاکەیل عراقییەو دەس وەپی کردۊد.