شەفەق نیوز/ وەڕێوەبەرایەتی وەرگیری شارستانی هەولێر پایتەختهارێم کوردستان، ئمڕوو سێشەممە، راگەیان گشت  ئامادەکارەیل پێویست ئەنجامدانە ئەرا ئاهەنگ سەرساڵ میلادی لەناوچەیل هەرێم.

قسەکەر وەڕێوەبەرایەتیەگە موقەدەم سەرکەوت کارش، لە کۆنگرەیگ رووژنامەوانی کە ئاژانس شەفەق نیوز ئامادەبوی وت، "لە رووژ 25 کانوون یەکەمەو، دەسکردین وە رێکخسن یەکە و تیمەیل ئاگرکپەوکردن و پیایەیل وەرگیری شارستانی لە گشت شوینەیل تایوەت ئەرا جەژن سەرساڵ، وە تایوەت لە کەنیسەیل شوینەیلمتایوەت وە ئاینی، ئەرا مسۆگەرکردن روینەدان هویچ گیچەڵ  و حاڵەتەیل لەناوکاو".

وتیش "ئمڕوو کۆتا رووژ ساڵ 2024ە وەی بوونەو فرەگ لەناوچەیل لەبان ئاست هەرێم ئاهەنگ کەن، و فرەیگ لە شوینەیل گەشتیاری ئاهەنگ وەخوەی دوینێد وەیبوونەو هەڵسیان وە بەشەوکردن تیمەیل ئاگرکپەوکردن و وەرگیری شارستانی لە پارێزگایەیل هەرێم و ئیدارە سەروەخوەیەیل".

و داوا لە خاوەن هۆلە ریگە وەپیدریاگەیل کرد "بڕیا و رێنمایەیل وەرێوەبەرایەتی وەرگیری شارستانی جیوەجی بکەن و پابەن بوون وە شەو سەرساڵ لە پێناو سەلامەتی هاوڵاتیەیل، و قەیەغەی وەکارهاوردن بازی ئاگرینەیل لەناو هۆڵە بەسیاگەیل تا نەودە هووکار سزیان".