شەفەق نيوز- بەسرە 

ئمڕوو دووشەممە، ئاگر گەورەیگ لەناو یەکیگ لە باخەیل باکوور بەسرە، هیزگرد،  و تیمەیل وەرگری شارستانی رەسینە شوین ئاگرەگە و دەسکردن وە تەقەلای کپەوکردنی و نەهیشتن رەسینی وەرەو ناوچەیل شانی.

 عەمید مازن محمد لەفتە وەڕیەوبەر وەرگری شارستانی لە بەسرە ئەرا ئاژانس شەفەق نیوز وت: تیمەیل ئیمە، وەگەرد رەسینیان ئەرا شوین نادیاریگ، دەسکردن کپەوکردن ئەو ئاگرە کە لەناو یەکیگ لە باخەیل ناوچەی جری و قەزای سادق باکوور بەسرە هیزگرد، و هیمان رەنج دەێد ئەرا کپەوکردنی و نەهیشتن رەسینی وەرەو ئەو باخەیل.

وتیش: واگە و بڵاوبوین زوان ئاگرەگە سەختی کەورەیگ لەڕوی تیمەیلمان دروس کردن، وەلێ تەقەلایەیل وەردەوامن لە چەن شوینیگەو ئەرا ناخڵەدان ئاگرەگە و نەهیشتن رەسینی وەرەو ناوچەیل نیشتەجیبوین و و باخەیل شانی، وەبی توومارکردن زەرەدیگ گیانی.

لەلای خوەییش، سەرچەوەیگ ئەمنی ئەرا ئاژانس شەفەق نیوز وت: ئاگر گەورەیگ رەسیە ماڵەیل لە ناوچەیل جری و ئەبو غەریب لە قەزای سادق لە باکوور بەسرە، و هیمان ماشینەیل ئاگرکپەوکردن تەقەلای کپەوکردنی دەن، وەگەرد بەرزەوبوین دویەکەڵ و بڵویزەی خەسیگ، وتیش: ماشینەیل ئاگرکپەوکردن من کۆمپانیایل نزیک ئاگرەگە بەشداری لە کپەوکردنی کەن.