شەفەق نيوز/ سەرچەوەیگ لە وەرگری شارستانی بەغداد، ئمڕوو جمعە، خەوەردا کە تیمەیل رزگارکردن توەنستن سێ کراکار رزگار بکەن کە ماڵیگ کوینە لە خوەرهڵات بەغداد رمیاسە بانیان.
سەرچەوەگە ئەرا ئاژانس شەفەق نیوز وت: تیمەیل وەرگری شارستانی توەنستن سێ کراکار لەژیر رمیاگ ماڵیگ کوینە رزگار بکەن، کە ئەو ماڵە لە شوینیگ مینەکردن نەفتە لە ناوچەی حەبیبەی خوەرهەڵات بەغداد.
وتیش؛ ئەو کراکارەیلە ئەرا خەسەخانە بریان، و تەندروسییان جیگیرە.