شەفەق نیوز/ رووژ شەممەی ئایندە، لە ئاوای کوجو، رسوومەیل وەخاکسپاردن فەرمی ئەرا ژمارەیگ لە قوربانیەیل دەس داعش لەخەڵک ئاوای کوجو باشوور شەنگال کریەن.
رائید فەلاح حەسەن ئەفسەر لێکۆڵینەوە لە دەزگای لێکۆڵینەوەگان و گردەوکردن بەڵگەگان لەبان تاوانەیل داعش لە دهۆک ئەرا ئاژانس شەفەق نیوز وت: حکومەت فیدڕاڵی ئەوەسا ئامادەکاری ئەرا رسوومەیل خاکسپاردن قوربانیە ئەیزیدیەگان کەێد، دویای وازکردن قەورە کۆمەڵیەگان ک لەماوەی گوزەیشتە لەناویان بوین، ک تەرمەگان وەرەو پزشک دادوەری بەغداد ئەرا چەسپانن شناسنامەی قوربانیەگان بریان.
لەلای خوەییش بەرڤان حەمدی جیگر وەزارەت شەهید و ئەنفالگریایەگان لە حکومەت هەرێم کوردستان دیاری کرد ک ئەوەسا تەرم ١٠٤ قوربانی لەبەغداد
ئەرا ئاوای کوجو تیەرن، و ئاماژە کرد ک رسوومەیل وەخاکسپاردنەگە لە رووژ شەممەی ئایندە وەی بۆنە ئەنجام دریەن.
حەمدی ئەرا ئاژانس شەفەق نیوز وت: شاندیگ لە هەرێم کوردستان لە هەماهەنگکار هەرێم وەگەرد حکومەت عراق ئەوەسا لە رسوومەگان بەشدار بوود، وەگەرد تیمیگ لە دەزگای لێکۆڵینەوەگان و گردەوکردن بەڵگەگان لە کوجو وەگەرد پزشکیگ لە پزشک دادوەری لە بەغداد، وتیش: وتاریگ لەلایەن حکومەت هەرێم لەی باوەتە ئاڕاستە کریەێد.