شەفەق نیوز/ دەوریەیل کەرت فریاکەفتن پۆلیس یەرموک لە بەغداد پایتەخت، ئمروو یەکشەممە، توێنست دوێەتیگ لە مەوقەی تەقەلای خوەیکوشتنی رزگار بکەێد.
سەرچەوەیگ ئەمنی خەوەردا ئاژانس شەفەق نیوز ک دوێەتیگ خوازێ لەبان پوڵ جادریە ئەرا خوەیکوشتن خوەی بخەێدە خوار، ک لەلایەن دەوریەی پۆلیس لای پوڵەگە تەماشای کریا.
سەرچەوەگە وتیش؛ دەوریەگە وەکوتپڕ لەلایەن فەرماندەگەی ئاگادار خاڵە ناوندیەگە کرد، و روی کرد وەرەو دوێەتەگە وەرجەیە خوەی بخەێدە چەمەگە.
سەرچەوەگە ئاماژە کرد ک دەوریەگە وەشیوەیگ یاسایی دوێەتەگە دا دەس ناوەند پۆلیس ئەرا مقەیەتیکردن دوێەتەگە.