شەفەق نیوز/ وەڕێوەبەرایەتی پۆلیس راپەرین، ئمڕوو چوارشەممە، راگەیان توومەتباریگ دەسگیرکردنە کە زیاتر لە 100 فەردە ئارد و عەلەف خاوەن کێڵگەیگ ئیوەتکردن ئاژەل دزیە.
وەڕێوەبەرایەتیەگە لە بەیاننامەیگ راگەیان، لەبان سکاڵای هاوڵاتیگ کە خاوەن کێڵگەیگ ئیوەتکردن ئاژەڵە وە قسەی خوەی زیاتر لە 100 فەردە ئارد و 50 فەردە عەلەف لە کێڵگەگەی دزیاگە، و دەسوەجی هێزەیلمان لە نویسینگەی نەهیشتن تاوان پشدەر دەسکردنە وە لێکۆڵینەوە لە رویداوەگە".
دیاریکرد، "لە دویای توومارکردن سکاڵا وە کەمتر لە 10 ساعەت توومەتبار دەسگیرکریا، دویای لێکۆڵینەوە وەگەردی توومەتبار دان وە تاوانەگەی دانایە وە قسەی خوەی ئەو ئارد و عەلەفەگە لە سکاڵاکار دزیە".
ئاشکەرایکرد، "وەفەرمان دادوەر وەپای ماددەی ، 443 لە یاسایی سزادان عراقی گیریاس و لێکۆڵینەوەش وەگەردی وەردەوامە".