شەفەق نیوز - واشنتۆن / بەغداد

هاوردەیل ویلایەتە یەکگرتگەیل ئەمریکا لە نەفت خام عراقی سفر توومار کرد ئەرا هەفتەی پەنجم لەدویای یەک، لەماوەی هەفتەی گوزەشتە.

زانیارییەیل ئیدارەی زانیاری وزەی ئەمریکی، کە ئاژانس شەفەق نیوز وەدویاچگنی کرد، دەرخس ناوەن هاوردەی ویلایەتە یەکگرتگەیل لە نەفت خام لە دە وڵات سەرەکییەگە رەسیە 6.127 ملیۆن بەرمیل لە رووژیگ لەماوەی هەفتەی گوزەشتە، ک بەرزەو بویە وە بڕ 827 هەزار بەرمیل لە رژیگ وە بەراورد وە هەفتەی وەرجە ئەوە، کە 5.3 ملیۆن بەرمیل لە رووژیگ توومار کردبوی.

زانیارییەیل دیاریکەن،  کەنەدا هاتە بان  گەپترین دابینکەرەیل نەفت خام ئەرا ویلایەتە یەکگرتگەیل وە ناوەندگ کە ڕەسیە 3.928 ملیۆن بەرمیل لە رووژیگ، وە دیایی فەنزوێلا وە رێژەی 618 هەزار بەرمیل لە رووژیگ، و کۆڵۆمبیا وە  376 هەزار بەرمیل لە رووژیگ، و مەکسیک وە رێژەی 305 هەزار بەرمیل لە رژیگ.

گۆیانا هاتە پلەی پنجم وە  281 هەزار بەرمیل لە رووژیگ، وە دویای عەرەبستان وە رێژەی 227 هەزار بەرمیل لە رووژیگ، و بەڕازیل وە ناوەن 167 هەزار بەرمیل لە رووژیگ، و ئەرجەنتین وە  141 هەزار بەرمیل لە رووژیگ، و نیجیریا وە  84 هەزار بەرمیل لە رووژیگ، لە وەختیگ هاورد ئەمریکی هویچ بڕیگ لە نەفت خام عراقی لەماوەی هەفتەی گوزەشتە توومار نەکرد.

خەرجیەیل ڕۆژان رووژانەی ولایەتە  یەکگرتگەیل لە نەفت وە نزیکەی 20 ملیۆن بەرمیل مەزەنریاگە، تا بوودە گەپتری خەرجکەر نەفت لە جەهان.