شەفەق نیوز - بەغداد

فرووشتەیل بانک ناوەندی عراقی لە دراو بیگانە لە ماوەی مانگ ئەیلول / سێپتەمبەر 2026 بەرزەو بۊن ئەرا 4.021 ملیار دۆلار، وە زیایبۊنیگ رەسیە 324 ملیۆن دۆلار، و وە رێژەی بەرزەوبۊنیگ رەسیە 8.8%، لە وەراورد وە مانگ ئاب / ئۆگۆستۆس گوزەشتە.

 داتایەیل بانک ناوەندی کە ئاژانس شەفەق نیوز ئاگادار بۊ لەلی نیشان دان کە فرووشتەیل لە ماوەی ئەیلول بەشەو بۊن لە ناوەین 249 ملیۆن دۆلار کاش، و 3.772 ملیار دۆلار ئەرا وەهیزکردن بنمایەیل بانکەیل لە دەیشت پەنجەرەی فرووشتن دراو بیگانە.

 لە ئاب گوزەشتە، فرووشتەیل رەسینە 3.697 ملیار دۆلار، لەناویانیش 270 ملیۆن دۆلار کاش، و 3.427 ملیار دۆلار ئەرا وەهیزکردن بنمایەیل بانکەیل لە دەیشت پەنجەرەگە.

 وەپەی داتایەیل، بڕ گشتی فرووشتەیل بانک ناوەندی عراقی لە دراو بیگانە لە ماوەی نۆ مانگ یەکەم لە ساڵ 2026 رەسیە نزیکەی 39.294 ملیار دۆلار، کە بەشەو بۊن لە ناوەین 1.988 ملیار دۆلار کاش، و 37.306 ملیار دۆلار ئەرا وەهیزکردن بنمایەیل بانکەیل لە دەیشت پەنجەرەی فرووشتن دراو بیگانە.

 فرووشتەیل بانک ناوەندی رەسۊنە 80.363 ملیار دۆلار لە ماوەی ساڵ 2025، لە وەراورد وە 77.652 ملیار دۆلار لە ساڵ 2024.