شەفەق نیوز/ کۆمپانیای بەندەرەیل ئیرانی، ئمڕوو یەکشەممە، راگەیان ئیران و عراق لەماوەی دوو مانگ ئایندە دەسکەنە وەکارخستن یەکەم کڕ گواستنەوەی دەریایی سەرنشینەیل.
سەرۆک کۆمپانیاگە، عەلی ئەکبەر سەفائی، وە پێگەی "تەهران تایمز" وت؛ " کووبوینەوەیگ لەبان ئاست شارەزایەی ئیرانی وەرد لایەن عراق ئەنجام دریا، و رووشنایی خریارە بان ئەوزەڵداین وە گواستنەوەی سەرنشین لە ری دەریاوە" هەردووگ لا دووپاتکردن لەبان یەکەم کڕ دەریایی سەرنشینەیل لەناوەین هەردووگ وڵات.
وتیش؛ "ئامادەکاریکرێد لە بەندەر ئابادان و خورەمشەهر لە ئیران، ئەرا گواستنەوەی سەرنشینەیل وە ئاراستەی بەندەر بەسڕە لە عراق، وەرپرسەیل هەردووگلا ئامادەیی خوەیان نیشان دان ئەرا دەسکردن وە گواستنەوەی سەرنشین لە ڕی دەریا".
وەرپرسە ئیرانیەگە دیاریکرد، وەرد هەماهەنگی لەی بارە، هەردووگ لا رێککەفتنە یەکەم کڕ گواستنەوەی سەرنشینەیل وڵاتەیل لەماوەی دوو مانگ ئایندە بوود.