شەفەق نیوز/ ئاژانس هەواڵگیری سەر وە وزارەت ناوخۆی عراق، ئمڕوو چوارشەممە، خەوەردا لە سەدگیرکردن هەفت تیرۆرست لە پارێزگای سەڵاحەدین.
لەبەیاننامەیگ رەسیە ئاژانس شەفەق نیوز وت: مەفرەزەیل ئاژانس هەواڵگیری لە وەزارەت ناوخۆ، وەگورەی زانیارەیل هەواڵگیری ووردیگ، ٧ تیرۆرست گردن لە ناوچەیل جوورا جووریگ لە قەزای دوز لە پارێزگای سەڵاحەدین و دیاری کرد؛ تیرۆرستەگان داواکریاگن وەگورەی مادەی ٤ تیرۆر ئەرا لایەنگردنیان لە چەتەیل داعش تیرۆرست.
و دیاری کرد ک دویای لێکۆڵینەوە وه‌لیان، ئاشکرا کردن وە ئەنجامداین کارەیل تیرۆرستی دژوە هێزە ئەمنیەگان لە رووژەیل کۆنتڕۆڵ کردن داعش لە بەشیگ ناوچەیل ئەولا، و ئاماژەدا ک قسیەلیان تۆمار کریا و رەوانەیان کەریا ئه‌را دادگا.