شه‌فه‌ق نيوز/ شانه‌ى ره‌سانن ئه‌منى، باس له‌وه كرد هيزه‌يل ئه‌منى پرووسه‌يليگ وشكانن و گه‌ردين ئه‌نجام دانه له قه‌زاى دبس له پاريزگاى كه‌ركوك وه‌خاتر ده‌سگيركردن كه‌سه‌يليگ داواكرياێ.
شانه‌ى ره‌سانن له به‌ياننامه‌يگ ئه‌را ئاژانس شه‌فه‌ق نيوز وت: كه‌رته‌يل باره‌گاى پيشڕه‌و له فه‌رمانده‌يى هاوبه‌ش له كه‌ركوك ك پيكهاتنه له تيم 6 له پۆليس ناوه‌ندى و كه‌رته‌يل سه‌ر وه تيمه‌گه، ده‌سكردنه‌سه گه‌ردين و وشكانن له ناوچه‌يل وادى عه‌مشه‌و قه‌ره‌چه‌م له خوه‌رئاواى قه‌زاى دبس(باكوور خوه‌رئاواى كه‌ركوك)و ناوچه‌يل ده‌ورگردى.
به‌ياننامه‌گه باس له‌وه‌يش كرد ئه‌و پرووسه‌ى وشكاننه له‌وه‌ر جيوه‌جيكردن فه‌رمانه‌يليگه ئه‌را ده‌سگيركردن كه‌سه‌يليگ داواكرياێ و له‌ناوبردن پاشماوه‌يل داعش بيجگه بته‌وكردن ئاسايش و سه‌قامگيرى له‌و ناوچه‌يله.