شەفەق نیوز ـ بەغدا
وەڕێوەبەرایەتی هاتوچو عراق، ئمڕوو دووشەممە، هووشداری گرنگیگ دا لەبان کاریگەربوین شمارەیگ پارێزگایەیل وڵات وە خوەڵوارین خەسیگ وەرد داوەزیان ئاست نووڕین ئاسۆیی.
وەڕێوەبەرایەتیەگە لە بەیاننامەیگ داوا لە گشت رانندەیل و وەکارهاوەرەیل ریەیلە کرد پابەندبوون وە رینمایەیل هاتوچو ئەرا مقیەتیکردن بیوەییان، دووژاتکرد لەبان کەمکردن خێرایی و راندەگیکردن وە ئاگاداربوین، وەکارهاوردن گلۆپەیل نوای (گلۆپەیل نزم) وەبی روشنایی بەرز، و وەکارهاوردن گلۆپ تەم لە وەختەیل هەوەجە.
هەمیش مەودای پوڕیایگ لەناواین ماشینەیل بوود تا لە رویداەیل دویربوون، وسیان لە کنار جادە مەوقەی توان نوڕین نەداشتن و دەمداین نیشانەیل چەوەڕێکردن، دویربکەن لەنوای ماشین کەفتن و خێرایی بەرز مەوقەی کەشە خوەڵئاویەگە.
دووپاتکرد لە گرنگی بەسانن پەنجەرەی ماشین و وازکردن سیستەم هەوای ناوخوەیی ئەرا پاراستن تەندروسی، دیاریکرد "سەلامەتی گیان هاوڵاتیەیل ئەمانەتە، و پابەندبوین وە رێنەمایەیل هاتوچوی بەشدارە لە کەمکردن رویداوەیل و پاراستن گشتێ".