شەفەق نیوز/ وەڕێۆبەرایەتی وەرگری مەدەنی، ئمڕوو جمعه، باس لە هووکار ئەورە سیاگان کرد ک لەئاسمان بەغداد پایتەخت پەیا بوی، وە تایبەت لە باشووری، وت: لەوەر ئاگرداین تایەر کۆنە بویەسەو. وەڕێۆبەرایەتیەگە لە بەیاننامەیگ رەسیە ئاژانس شەفەق نیوز وت: تیمەیل ئاگرکوژێنەوە هەوڵدەن ئەو ئاگرەگ لە بڕ گەورایگ لە تایەرە کۆنەکان بویەسەو کپەو بکەن، لە میەدانیگ لەناوچەی جادەی ٧ نیسان لە پشت ماڵ بابانی لە حەی عامل لە باشوور بەغداد. وەڕێۆبەرایەتیەگە وت: ٧ تیم ئاگرکوژێنەوە تەقەلای کپەوکردن ئاگرەگە دەن، و دویرخستن مەترسیەگەی لەبان داتیشتوەیل، وەگەرد دووپاتکردن لە لاوردن ئەو تایەرەیلە لەلایەن ئەمینداریەتی بەغداد، تا ئیجوور رووداوە ک ژینگە پیسەو کەێد دووارەو نەوود.