شەفەق نیوز - بەغداد

روانگەی "عراق سەوز" ژینگەیی، ئمڕوو چوارشەممە، ئاشکرا کرد لەباوەت فڕەداین دەرمانەیل و پاکەوکەرەیل و مادەیل شووردن گورچگ "دێلەزە" ئەرا ناو ریڕەوی وە راسەوخۆ، ئەوەگ تیەێدە مدوو پیسبۊن ئاو هەردگ چەم دیجلە و فورات وە بیماریەیل و ژەهرەیل، و دەسنشانکردن کرد ئەرا تیکەڵکردن دەرمانە وەسەرچگەیل وەگەرد جیماگە ئاساییەیل.

 روانگەگە لە راپۆرت ساڵانەی دیوان چەودیاری دارایی فیدراڵی وت کە میکانیزم کارکردن دەسەی لەناوبردن دەرمان و خوازینە پزیشکییەیل لە کەرت تایبەت دیاری کەێد کە ئەو دەرمانەیلە خاوەن شیوەی دەرمانسازی کە حەبەیل (Tablet)، و کەپسوول (Capsules)، و قوتی شیشەیی یا پلاستیکییەیل ئەرا پاریزگاریکردن لە دەرمانە شلەیل یا سروم یا پاودەرە پزیشکییەیل وە شیوەیگ پاکەوکریاگ (Vial)، یا قوتی شیشەیی بەسیای وە تەواوی وە گەرمی کە وەکاری تیەێد ئەرا پاریزگاریکردن لە دەرمانە شلە پاکەوکریاگەیل و ئامادەکریاگ ئەرا دەرزی لیداین (ئەمپوولەیل)، یا شەربەتەیل لەخوەی گرێد؛ هەوەجەس چارەسەر بکریەن لەڕی ئامراز (Shredder Auto-clave) کە تەرخان کریاس ئەرا چارەسەرکردن جیماگە پزیشکییە رخبارەیل و چووڵەیل و رزگاربۊن لەلیان وە بیوەیی لەناو دامەزراوەگە لەڕی هویردکردن و تیکە تیکە کردن و پاکەوکردن وە هەڵم.

 راپۆرتەگە دووپات کرد کە هیچ کۊرەی سزانن گونجیاییگ نییە، بیجگە وسانن ئامراز هویردکەر تایبەت وە لەناوبردن؛ چۊنکە دەسەی پشتیوانیکەر ئەرا لەناوبردن ئەو مادەیلە لەناو بەێد لەڕی هەڕین و پانەوکردنیان وە (شەفڵ) وە رەدبۊن لەبان مادە وەسەرچگەیل ئەرا چەن جاریگ، و دۊای ئەوە بار کریەێد ئەرا ناوچەی ژیرخاککردن تەندروسی و وەگەرد جیماگە ئاساییەیل تیکەڵ کریەێد، کە تۊنێد بوودە مدوو فرەیگ لە زەرەدەیل و بیمارییە رخبارەیل ئەرا هەر کەسیگ کە لەلیانەو نزیکەو بوود.

 راپۆرتەگە وتیش لەناوبردن دەرمانەیل و پاکەوکەرەیل و مادەیل شووردن گورچگ (دێلەزە) لەڕی رشاننیان لەناو ریڕەویەیل، ئەوەگ تیەێدە مدوو پیسبۊن ئاو چەمەگە وە هوکارەیل بیمارییەیل و ژەهرەیل و زویوەزوی بڵاوبوین پەتایەیل، ئەوەیش وە پیچەوانەی یاسای پاریزگاریکردن و خاسەوکردن ژینگە شمارە (27) ئەرا ساڵ 2009، کە دیاری کردیە قەیەغەی رشانن هەر جیماگەیگ شل ماڵان یا پیشەسازی یا خزمەتگوزاری یا کشوکاڵی ئەرا ناو سەرچەوە ئاوییە ناوخۆییە سەرپەڕی و ژیرزەوییەیل یا بوارە دەریاییە عراقییەیل، مەگەر دۊای جیوەجیکردن چارەسەرەیل لەبانیان وە شیوەیگ کە مسۆگەر گونجیانیان بکەێد وەرد ئەو تایبەتمەندییەیلە کە لە یاسایەیل ژینگەیی دیاری کریانە.