شەفەق نيوز- بەغداد 

دەسەی کەشناسی عراق، ئمڕوو جمعە، مەزەنەی گلەوخواردن بەرزەوبوین پلەی گەرمی لە وڵات کرد، وەگەرد هەڵکردن خوەڵوتووز.

دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو شەممە، رووشنە و پلەی گەرمی لە ناوچەی باکوور و باشوور نزیک یەکن، و لە ناوچەی ناوڕاس بەرزەو بوود، دیاری کرد کە رووژ یەکشەممە رووشنە وەگەرد هەڵکردن خوەڵوتووز و پلەی گەرمی نزیک رووژ وەرجە خوەیە.

 دەسەگە وتیش: رووژ دووشەممە، لە بەشەیل خوەرھەڵات لە ناوچەیل باکوور رووشنە وەگەرد لەکە ئەوریگ، وەگەرد هەڵکردن خوەڵوتووز و پلەی گەرمی نزیک رووژ وەرجە خوەیە.

دەسەگە وتیش: کەشوهەوای رووژ سێشەممەی ئایندە رووشنە وەگەرد لەکە ئەوریگ لە ناوچەی باکوور و پلەی گەرمی وەگشتی بەرزەو بوود.