شه‌فه‌ق نيوز/ محه‌مه‌د خالدى سه‌رۆك فراكسيۆن به‌يارق ئه‌لخه‌ير له په‌رله‌مان عراقى و نزيك له محه‌مه‌د تۆفيق عه‌لاوى سه‌رۆك وه‌زيره‌يل راسپارياێ وت: داواكارى عه‌لاوى له‌باره‌ى دوياخستن دانيشتن ده‌نگداين له‌بان كابينه وه‌زاريه‌گه‌ى ئه‌را ئمڕوو له‌وه‌ر ئه‌وه‌سه دابنيشێد وه‌ل كورد ك هه‌ڵويستيان يه‌كيگه وه‌رانوه‌ر دامه‌زرانن حكومه‌ت.
خالدى وت: دانيستن له‌ناونى عه‌لاوى و كورد پيشكه‌فتن خاسيگ وه‌خوه‌يه‌و ديه‌و دوياخريش ئاشكراس ك بيگومان ده‌نگ له‌بان كابينه حكوميه‌گه ئه‌دريه‌ێد له دانيشتن ئمڕوو په‌رله‌مان، جوور ئه‌وه‌گ شه‌رقولئه‌وسه‌ت ئاماژه وه‌پيكردگه.
خالدى له‌باره‌ى هه‌ڵويسته‌يل تر كورد و سنى وت: وه‌شيوه‌يگ گشتى پيشڕه‌وى خاسيگ له دانيشتنه‌يل ناونى گشت لايه‌نه‌يل وه‌ديهاتگه‌و له‌وانه‌يش شيعه‌و سونى، باس له‌وه‌يش كرد شيعه بڕيار دانه ده‌نگ بيه‌ن وه حكومه‌ت تازه، چوينكه هويچ به‌ديليگ تر نه‌يرن، وه‌لێ هه‌ڵويستيان به‌سانه‌سه جيوه‌جيكردن پيشڕه‌وى له دانيشتن وه‌ل كورد و يه‌يش له‌يوا كرد عه‌لاوى داواى دوياخستن بكاو بچێده ناو دانيشتنه‌يل تازه‌يگ وه‌ل كورد.