شه‌فه‌ق نيوز/ بانك رافده‌ين ئاشكراى ئه‌وه كرد كارمه‌نده‌يل وه‌زاره‌ت ناوخوه‌يى له‌وانه‌گ ك مووچه‌يليان جيگيره له‌لاى بانكه‌گه‌و ماسته‌ر كارد ديرن ئه‌تويه‌نن مووچه‌يليان له‌رێ كارته‌گه‌و وه‌ربگرن له مانگ ئاينده.
له‌ى باوه‌تيشه‌و نويسينگه‌ى ره‌سانن بانكه‌گه له به‌ياننامه‌يگ وت: دابه‌شكردن ماسته‌ر كارد له‌بان كارمه‌نده‌يل ناوخوه‌يى وه‌رده‌وامه‌و ئى پرووسه له‌ماوه‌ى چه‌ن رووژيگ تر ته‌واو ئه‌كريه‌ێد.
جى باسه، ئاماژه وه‌يه‌يش كرد له حاڵه‌تيگ ئه‌گه‌ر كارمه‌نده‌گه كارته‌گه وه‌رگرت ئه‌وه ئه‌تويه‌نێد سوود له خزمه‌تگوزاريه‌يل بانكى وه‌ربگرێد ك له‌لايه‌ن بانكه‌گه‌وه پيشكه‌ش ئه‌كريه‌ێد له‌ڕێ ماسته‌رد كارده‌گه جوور سلفه‌و قه‌رز و خزمه‌تگوزاريه‌يل تر.