شه‌فه‌ق نيوز/ ئداره‌ى ناوچه‌يى له پاريزگاى دياله بڕيار پشوو ده‌وام دا له‌خوه‌ندنگايه‌يل ئه‌را ماوه‌ى دو رووژ جوور گرتنه‌وه‌ر رێ وشوون خواست ئه‌را نواگيرى له ڤايرۆس كۆرۆنا وه‌ره‌و پاريزگاگه.
له‌و باوه‌ته‌و، موسه‌نا تميمى پاريزگار دياله له به‌ياننامه‌يگ ئه‌را شه‌فه‌ق نيوز وت: بڕيار پشوو ده‌وامى فه‌رمى له خوه‌ندنگايه‌يل دايمنه ئه‌را رووژ چوارشه‌ممه‌و په‌نجشه‌ممه جوور رێ وشوونيگ خواست و هساوكردن ئه‌را هه‌ر رويداينيگ له‌ناكاو.
جى باسه، دياله هه‌فته‌مين پاريزگايگه پشوو ده‌وام فه‌رمى دا دوياى نه‌جه‌ف و پاريزگايه‌يل هه‌رێم كوردستان(هه‌ولێر، سلێمانى، دهۆك) و سه‌ڵاحه‌دين و كه‌ركوك.