شه‌فه‌ق نيوز/ هاوپه‌يمانى فه‌تح وه سه‌رۆكايه‌تى هادى عامرى ئه‌ميندار گشتى ريكخرياگ به‌در، له وه‌ده‌سهاوردن پشتگيرى هيزه‌يل سياسى سنى وه سه‌رۆكايه‌تى محه‌مه‌د حه‌لبوسى سه‌رۆك په‌رله‌مان عراقى ئه‌را پشتگيرى وه‌پيداين متمانه وه حكومه‌ت عه‌لاوى سه‌رنه‌كه‌فت.
له‌و باوه‌ته‌و، سه‌رچه‌وه‌يل ئاگادار باس له‌وه كردن هاوپه‌يمانى فه‌تح دانيشتنيگ وه‌ل هيزه‌يل سياسى سنى وه سه‌رۆكايه‌تى حه‌لبوسى ئه‌نجام داگه له‌وه‌ر خاتر وه‌ده‌سهاوردن پشتگيرى ئه‌و هيزه‌يله له دانيشتن په‌رله‌مان وه‌خاتر وه‌پيداين متمانه وه حكومه‌ت عه‌لاوى، وه‌لێ ئه‌و دانيشتنه شكه‌ست هاوردگه له وه‌رده‌وامى ئه‌را ره‌سين وه ريككه‌فتن له‌ناونى هه‌ردوگلا.
جى باسه، ئاماژه وه‌يه‌يش ئه‌كريه‌ێد هه‌ردوگ هاوپه‌يمانى سائيرون و فه‌تح پشتگيرى له دامه‌زرانن حكومه‌ت تازه ئه‌كه‌ن وه سه‌رۆكايه‌تى محه‌مه‌د تۆفيق عه‌لاوى سه‌رۆك وه‌زيره‌يل راسپارياێ.